لأول مرة (صور سكن الشرفية) حصريا على بعثرات هيوف

بســـــــــم الله الرحمـــــــن الرحيــــــم ...
السلام عليــــــــكم ورحمة الله وبركـــاته ...

أنا وعدتكم بأني حانزل صور للسكن وللجامعة وحاتكلم معاكم في بعض المواضيع التي تخص السكن خصوصا ...
،،،،،،،،،،،،،،،،،،،،،،،،،،،،،،،،،،،،،،،،،،،،،،،،

واليوم أفي بوعدي وأنزل لكم اول صـــــور لكن الطالبات في الشرفية .... ولأول مرة على الانترنت ... بامكانكم البحث في Google ولن تجدوا لها صورا ...

وذلك بسبب التشديد على التفتيش وما الى ذلك ..... ،،،،،،،،،،،،،،،،،،،،،،،،،،،،،،،،،،،،

ملاحظة : كتبت وصوّرت بمجهودي الخاص .. لذلك لن أبيح أبدااا من ينقل التدوينة هذه بدون ذكر المصدر ووضع رابط للموضوع الأصلي ... 

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

هذه الصور اول ماجينا بعد اجازة الحج ... طبعا احنا لما طلعنا قبل الاجازة وعدونا بأنهم حيغيروا دهان المبني (البويه) ...
ورجعنا وهي مثل ماهي ..والتفتيش جدا مشدد عند الدخول لكني غامرت الين ماقدرت اوصل للي وعدتكم فيه ..
علما بأن الامن يدخلوا علينا في غرفنا في أي لحظة .. لان الابواب طبعا ماتتقفل ... وممنوع اساسا اننا نقفلها ...

يعني اللي تلبس في الغرفة لاتضمن انها حتلبس في أمان :)

المهم .. اول ماجيت للسكن يوم الجمعة الموافق 20 / 12 / 1431 هـ ....
وبعد تجاوز الجمارك عفوا اقصد التفتيش المشدد >>>حتى ملابسنا اللي في الشنط ينفضوها نفض مابعده 
رحت للمبنى اللي انا فيه وانا اسحب شنطي واحمد ربي ان تجاوزت مرحلة الخطر الكبرى ..

وصلت للمبنى وانا اتخيل اني حالقاه نظيف والبويه جديده (دهان الجدار) ... او على الاقل نلقاه مثل ماتركناه .. شبه نظيف
لكن للأسف ..

لقيناه بصورة مُفجعة جدا ...

لقيت وحده من صاحباتي تنظف وتغسل في الغرفة فما مداني اصور غرفتهم الوسخة ....

تفضلوا شوفوا :













                            شايفين كيف ؟؟؟ ... احنا جايين واحنا بكامل نظافتنا .. يعني من المفروض انه يوم الجمعة كل وحده فينا ترتاح من عناء السفر .. وبعدين تبدأ تستعد ليومها الجديد ... يعني نجهز الملابس اللي حنلبسها اليوم الثاني .. ونشوف جداولنا لانه صار فيها تعديل ...الخ


من حقنا نرتاح .. السفر وحده مشقة ..


بدأنا بالتشمير والبدء في التنظيف .. بداية من غسل الغرف بالماء والمنظفات مرورا بترتيب الاسرة والبطانيات والمكاتب ونهاية بتعطير الغرف ....


وما ان انتهينا من هذا كله حتى نمنا منهكات ومُتعبات ... 


الحمدلله على كل حال .. نمنا تقريبا الساعة 2 ونصف وصحينا الساعة 4 ونصف عشان ناخذ لنا شاور ونتنعطر >>ماني عارفة ليه احس في الجامعة أشكال بنات السكن معروفة


الحزن والجوع والتعب باين على وجيههم ..


كل اكلنا اندووومي اندوومي اندووومي >>> صار دمنا اندومي


بس الصراحة والحق ينقال .. مانكر انه صباح كل يوم يجوا عاملات ينظفوا المباني ويغسلوا ارضيات الممرات ( طبعا غرف الطالبات مايدخلوها .. بس يغسلوا الحمامات والمطابخ والاسياب )


يعني كل الصور اللي عرضتها لكم .. يوم السبت لما جيت من الجامعة لقيتها العكس تماما .. :)


بس تمنيت اننا نلقى النظافة هذه اول مانجي من الاجازات .. يعني العاملات يجوا قبلنا بيوم




،،،،،،،،،،،،،،،،،،،،،،،،،،،،،،،،،،،،،،،،


هذه مجموعة قليلة .


وفي تدوينة جديدة ان شاء الله اعرض لكم صور المباني من برا وصور للجامعة وحانزل لكم مغامراتنا كمان :))


ادعووولي مانكشف :(  >> والله خايفة


اتمنى تكون لاقت استحسانكم ...


تعليق بسيط يُشعرني بقدر التعب الذي لاقيته وحجم المخاطر التي واجهتها .. قد تدفعني للعطاء أكثر


لاتنسوا ..


لن أبيح الاقتباس والنقل الا بوضع المصدر ورابط موضوعي الاصلي ......

ملاحظة ( فيه اشياء حلوة في السكن مثل الجمعات وناسة مع البنات )   :)
وراح انزلها لكم عن قريب ان شاء الله

11 التعليقات :

RoOo7 يقول...

كله بأجررررررره فديتكم لاتضيعوا الاجر بالتذمر قولوا الحمدلله

يعطيك العافيه والله يكون بعونكم

زٍحَ’ـمةَ حَ’ـڪيّ..||≈ يقول...

اوماي قوووووووووود صراحه تنرحمون
والله يعطي وياخذ وماكو شي كامل
يعني عطاكم جمعه ووناسه ماشاء الله الله لايغير وبنفس الوقت نقصكم السكن مونظيف
والله ماالومهم يوم انهم مشددين عليكم بالتفتيش خايفين ينفظحون
وكل شي باجره والله يوفقكم ان شاء الله وتنالون اعلى الدرجات
بالتوفيق يالغلا

Key يقول...

لاحول ولا قوة الا بالله

والله ودي اعلق واقول لكن المجال لايسمح هنا

واكتفي بالقول لو هذه الصور في امريكا وبثتها mbc4 لكان مملكتنا ( الحبيبة ) تبرعت لها بعمال نظافة مدفوعة التكاليف والاقام .

Kim Mun يقول...

يؤ يؤ الله يعينكم ، ايوهـ من جد استغربت ليش مشددين بس لمآ شفت الصور عرفت ليش ؟

ايوهـ هوـآ احلى ما في السكن الجمعة مع البنآآت ، بس كمآآن الأكل مشكلة كله اندومي في اندومي ، الله يعين بس
يلا مثل مآ قالت RoOo7 كل شئ بآآجرهـ

الله يوفقكي يارب ، وإن شاء الله مآ تنكشفي ^^ بس انتبهي ترـآآ مو كل مرهـ تسلم الجرهـ يا عسل

غير معرف يقول...

الله يكون بعووونكم
وزي ماقالو البنات كل شئ بأجره
بس حبيت أسألك أختي .. هوا مو سكن الشرفية تبع جامعة الملك عبد العزيز .. ؟؟
و مو في سكن أعتقد في السليمانية أرقى وأحلى وأكبر وأحسن وكل شئ ؟؟
يعني إنتي تدخلي ذا السكن إجباري ولا إنتي تختاري هذا ولأ هذا ؟؟

<< أعتذر على أسئلتي بس مجرد فضول وحب إستطلاع
يالله بالتوفيق وربي يساعدك ويهون عليكي ..:)

منال يقول...

الله يوفقكي الله معكم

روآية آلآيآم يقول...

شسمه حسبي الله عليهم من سكن قسمن كرتون الاندومي لو يقدر يشتكي كان أشتكى وش هالهبال والمسخره فيهم
يارب يعينكم ويصبركم
عاد شسون نصيبكم بلاكم ولازم تتحملون عشان تجيبو شهاده واويلا حرام عليهم ليه مايحركون الميزانيه اللي تحت ايدينهم والا كل هذا نصب واحتيال وهذا وانتم محترمينهم ومتحملين المفروض يجازونكم ويريحونكم راحه نفسيه
بجد احترامي للحرامي
هههههههههههههههههههههههههههه > دوعابه
بس شئ بيطير العأل اولاه هيوف لك ارجعي إلنا
عنجد >> لايكثر بهاللغه المكسره
اشرك ع الطرح الرائع رغم الاسى اللي انتم فيه

غير معرف يقول...

السلام علييكم اختي عندي سؤاال
الفرع بالشرفيه هو نفسه الفرع بالفيصليه ؟؟؟
السكن بالفيصليه ولا تغير حاليا من الشرفيه للفيصليه .

Haifaa يقول...

هلا.
معليش مافهمت سؤالك
اذا قصدك انو هذا السكن هوا نفسه لطالبان الشرفية والفيصلية فنعم. السكن نفسه
لطالبات الفيصلية والشرفية والسلامة والرحاب

سمعت انو حاليا فيه تغييرات وتعديلات للسكن بسبب الشكاوي الكثيرة اللي وجهناها ضدهم.
ووصلت لإدارة الجامعة. وهن الان يقومون باصلاحات
أتمني ان السكن يتحسن للأفضل

عموما اختي اذا هذا مو قصدك بالسؤال فاتمنى انك تفهميني اكثر
وحياك في اي وقت :)

غير معرف يقول...

والله شكلو الصور المعروضة دي صور عمارة ٣ الوسخة الدور التاني اذا انتي لحد الان في السكن اللله يرحمك و يصبرك

غير معرف يقول...

:-(

إرسال تعليق

لاتقرأ وترحل ..
بل ضع لك بصمة في المكان قبيل الرحيل ..